ANG Asian Football Confederation (AFC) nagpahigayon og AFC "C" licensing course nga nagsugod niadtong Hulyo 19 didto sa Davao City Sports Complex sa Mintal, Davao City.

Matud ni Davao South Regional Football Association (DRFA) Officer Rachel "Ching" Delos Reyes, dunay 19 lokal ug langyaw nga miapil sa dose ka adlaw kurso nga mahuman karong Hulyo 29.

Mao kini sila Leo Abunas, Jermoe Ferdinand Balaga, Renante Bangi, Ivan CainaM Janver Clyde Magaway, Allyn Ravanes, Ed Merill Walohan, Carlo Andrew Yagong, Gallardo Bludoreto, Jefry Den Miranda, Alvin Aguilon, Alexis Joseph Cervantes, Marvin Lois Dava, Rolan Elisan, Ali Bernard Go, Jerrold Zuasola, Jean Paul Ngoo, Robert William ug Yami William Choumbe.

Apan matud ni Delos Reyes, nga ang AFC "C" course usa ka pre-requisite una modiretso sa AFC 'B' course.

"If makapasa sila sa AFC "C" course, after two years puwede na sila mag-take ug AFC "B"," niya pa nga midugang nga ang AFC 'C' license usa sa main requirements kung mag-coach sa Philippine Football League.

Ang leksiyon mahuman sa under-construction Davao City Sports Complex samtang ang first practical assessment himuon sa Tionko Football Grounds. (MRP)