SA LABING unang higayon, nakatilaw og pildi ang 18 anyos nga anak ni Filipino boxing legend Manny Pacquiao nga si Jimuel isip usa ka amateur boxer.

Si Jimuel nasugamak sa split decision nga kapildihan batok kang Ken Danila sa Imus, Cavite sa ilang three-round boxing match ning bag-uhay lang sa Johnny Bravo boxing gym sa Novaliches, Quezon City.

Sa taho sa Manila Times, mismong si Pacquiao ang mikompirmar nga napildi ang iyang kinamaguwangan nga anak.

Si Jimuel, kinsa natagak sa 4-1 nga rekord, misaad nga mobangon gikan ning maong kapildihan.