CEBU CITY -- Si Sailormon Arnaiz mihatag og medalya alang sa Davao City human nakaplata sa senior men's shot put sa pagsugod sa Philippine National Games (PNG) 2018 athletics competition sa Cebu City Sports Center.

Ang 21 anyos Senior High School graduate sa Davao City National High School miitsa og bug-at nga bola sa gilay-on 12.27 metro sa iyang uwahing paglabay sa finals round samtang Mandaluyong City's Rogelio de Borja mirehistro og 12.49m aron makabulawan. Si Jan Estrada sa Cebu City nabutang sa bronze (12.10m).

Si Arnaiz, ang discus throw bronze medalist sa 2016 Bimp-Eaga Friendship Games, miapas sa ikaduha gikan sa pagsugod sa kompetisyon.

“Bawi tanang kahago nako,” pahayag niya pinaagi sa SunStar Davao Facebook live human sa iyang unang duwa sa PNG.

Sunod siya makigtigi sa discus throw apan sulayan niya makakuha og bulawan, “Sulayan lang kay kulang ko og praktis.”

Nagpasalamat siya nakadula dinhi ilabina sa suporta sa iyang coach Toto Lacanaria, pamilya ug lokal panggobyerno sa Davao ug iyang teammates.

Plano niya mag-eskwela og sports management sa Manila.

Niya pa nga kaniadto nagadula siya og boksing apan dihang mibalhin ang iyang pamilya gikan Cebu wa na niya kini napadayon human di agresibo sa Davao City ang maong isports. (MLSA)