MIUBAN gihapon sa pagbansay ang pipila ka players sa Team Pilipinas nga wala nalakip sa “final 12” nga maoy miatubang sa Kazakhstan, Huwebes, Nobyembre 29.

Giingon ni coach Yeng Guiao, nga ang mga nauna nga wala nalakip maoy makauban sa dula batok Iran karong Lunes.

Ang wala nauban sa listahan apan anaa sa pag-praktis mao sila Troy Rosario, Arwind Santos, Paul Lee, Jayson Castro, Ricci Rivero ug Kai Sotto.

Gipaneguro hinuon ni Guiao nga magdula karong Lunes batok Iran si Christian Standhardinger nga maoy gikonsidera nga naturalized player sa grupo.

Dugang ni Guiao nga ang mga players nga wala naapil sa listahan sa pagbatok sa Kazakhstan kandidato gihapon sa dula batok Iran.