MALAMPUSONG napahigayon ang Barangay Peacekeeping Action Team (BPAT) Olympics sa Davao Oriental Police Provincial Office, nga gitambungan mismo ni Mati City Mayor Michelle Nakpil Rabat.

Ang usa ka adlaw nga aktibidad niadtong Hulyo 31, Miyerkules mao ang ikaunom nga higayon nga gihimo sa Barangay Dahican.

Ang BPAT Olympics tinuig nga aktibidad nga gipaluyuhan sa provincial police office uban ang Provincial Risk Reduction and Management Office (PDRRMO), Provincial Human Resource Management and Development Office, (PHRMDO), Philippine Red Cross, Bureau of Fire Protection Provincial Office, ug City of Mati Police station ug tanang Municipal Police Stations sa Province of Davao Oriental.

Ang kompetisyon nagsilbi nga “exercise” ug dugang pagbansay sa tanang BPATs ug barangay officials nga mapahinumdum kanila og usab ang “basic knowledge and skills” sa ilang tahas isip force multipliers sa law enforcement, disaster management (search and rescue operation) ug crowd control management. (PR)