ANG Cor Jesu College (CJC) of Digos nangharus sa men's ug women's gold medals sa bag-uhay pa lamang natapos nga Davao Association of Catholic Schools (Dacs) Sportsfest 2019 college chess competition nga gihimo sa Ateneo de Davao Univeristy (Addu), Jacinto Street, Davao City.

Ang CJC miposte og 19 puntos aron manguna sa men's team division diin si Jasper Seth Erum miiskor og perfect five points sa five-round Swiss System format chessfest.

Ang teammates niyang sila John Raymond Vistal (3.5), Jasper Jay Erum (4.0), Renard Mamaril (4.5), Charles John Fiel (1.0), ug Louis Van Guerrero (1.0) mihatag sab sa mosunod nga puntos.

Ang host nga Addu mihimo og 13.5 points aron makuha ang silver samtang ang St. Mary's College of Tagum (SMCT) miiskor og 11.5 points aron makuha ang bronse.

Ang CJC unang mipildi sa Assumption College of Nabunturan (ACN), 4-0, una gipildi ang Ateneo de Davao University (Addu), 3.5-.05.

Ang Digos-based woodpushers mipukan sab sa University of the Immaculate Conception (UIC), 3.5-0.5, human miiskor og 4-0 shutout win kontra SMCT.

Nagsunod sab kanila ang Holy Cross of Davao College (HCDC), Holy Cross College of Calinan, UIC, ACN, Philippine Women's College (PWC)-Davao, St. Peter's College of Toril (SPCT), ACD, Gabriel Taburin College of Davao (GTCD) ug SMC-Bansalan.

Sa distaff side, ang CJC miangkon og 14.5 points aron makuha ang gold samtang ang 13 pointers SMCT ug HCDC nag-igo sa silver ug bronse.

Ang SMCT mipildi sa HCDC via superior tiebreaks.

Si Frince Ezra Ocliasa nanguna sa CJC sa iyang 4.5 points, samtang si Clair de Leon ug Lady Jane Cainong midugang og upat. Si Jessa Mae Macaganda dunay duha ka puntos.