TAGBILARAN CITY, Province of Bohol -- Ang Davao Region mibulsa og bronze medal sa women's tennis samtang ang men's and women's basketball teams ug men's baseball team nagpabilin way pildi sa nagapadayong National Private Schools Athletic Association (Prisaa) 2018.

Ang Davao netters gilangkuban nila Elle Jhulie Anne Marie, Frylyn Caguisa, Rhue Lian Dizon ug Doriz Jane Bagohin, ang ikatulo human napakyas sa Central Visayas sa knockout format netfest sa Holy Name University.

Una na gipildi sa tim Calabarzon Region.

Apan si Bagohin, mi-team up kang Alessis Ballarta sa individual mixed doubles event samtang Dizon ug Caguisa masulayan ang ilang kaayo sa individual doubles event didto sa Carlos P. Garcia Sports Complex.

Bahin sa pag-coach ni Roderick Conda sa men's dribblers, gilampaso ang Caraga Region, 80-54, sa Holy Name University.

Kinahanglan nila og duha ka laing daug aron maseguro ang puwesto sa semifinals.

Ang maong tim miposte og back-to-back nga daug niadtong Lunes sa hapon.

Samtang, sa ubos ni Chrysanthemum sa Davao giugsok ang Zamboanga Peninsula, 94-60, una gipalukapa ang Western Visayas, 96-59, didto sa Dawis Gym.

Ang back-to-back National Prisaa baseball champion Davao Region midomina sa Soccsksargen, 14-7, aron molambo ang 2-0, win-loss card.

Ang Davao Region's junior football team misugod na sa kampanya sa pagrekord og 6-1 daug batok Northern Mindanao Region sa Victoriano B. Tirol Sports Complex. (ABM)