NAAWOP ug misukarap ang paglaum sa Golden State Warriors (GSW) nga makalampurnas og three peat championship, human sila gipildi sa Toronto Raptors sa Game 6 sa NBA Finals.

Giagak ni Kawhi Leonard ang Toronto Raptors sa pagkab-ot sa una niining kadaugan ilawom sa ilang prangkisa sa NBA Finals sa iskor, 114-110 sa Oracle Arena.

Ang Toronto Raptors maoy labing una nga Canaadian team nga miangkon og NBA title.

Gihuman sa Raptors ang duwa sa 4-2 standing, ug gilampurnas ang pangandoy sa GSW nga mihari sa liga, sud sa lima ka tuig.

Dihang mitingog ang final buzzer, nagmaya nga fans sa Raptors nag-ambak-ambak sa kalipay ug nagsaulog.

Sila Kyle Lowry ug Pascal Siakam puros midugang og tag 26 puntos matag usa samtang si Klay Thompson sa GSW mibiya sa third quarter tungod sa injury dunay 30 puntos.

Si Leonard nga miiskor og 22 mao say giilang Finals MVP sa NBA.