ANG singer nga si Bamboo ug kinse ka sports mohatag og dugang kolor ug lingaw sa Go Pilipinas Go concert rally aron i-cheer ang Southeast Asian (SEA) Games-bound Filipino athletes ug ang pagdasig pa sa hosting sa nasud sa biennial meet sa alas singko sa hapon, Lunes, sa SMX Convention Center, SM Lanang Premier, Davao City.

Si Carlo Reyes sa Go Pilipinas Go movement, atol sa press conference sa Philippine Sports Commission (PSC) Mindanao office sa Juna Subdivision sa Matina, nagkanayon, “Aside from Bamboo, we will have surprise guests coming. We have invited sports heroes who have yet to confirm. We aim to generate local support for this campaign.”

Si PSC chairman William “Butch” Ramirez nagdugang nga tungod ang 30th SEA Games nagkaduol na, ang movement “will help drum up millions of Filipinos to pray and cheer for our athletes to perform well”.

Niya, gisugyot kanila ang ideya ug nakita nga maayo sab suma pa nga madasig ang mga Palarong Pambansa athletes, nga ania sa tinuig nga kompetisyon nga magbukas sa Dominggo, nga sila mahimong sunod nga SEA Games athletes.

Si June Navarro, sa iyang kabahin nagdugang nga mitabang sila sa Go Pilipinas Go movement sa pag-conceptualize unsaon nga masuportahan ang mga Pinoy athletes di lamang sa SEA Games apan sa tanang international tournaments nga makigtigi ang nasud.

“This will serve as the cheering squad for the national team, motivate athletes to become overall champion in the coming SEA Games that will be held in Clark, Subic, Manila and Tagaytay City,” ni Navarro.

Ang libre nga konsiyerto sa Lunes maoy unang beses, first-served basis sab ilabi na nga ang venue maka-akomodar lamang og 1,500 ka tawo.

Dugang niya nga ang kalihukan namugna niadtong Marso 26 sa Rizal Memorial Stadium sa Manila nga may halos 1,000 national athletes nga mitambong.

May pa-raffle sab nga himuon atol sa aktibidad.