SI Arafura Games 2019 triple gold medalist Ivo Nikolai Enot nanguna sa Davao City's Holiday Gym Swim Club sa pagpanghakot og medalya sa 2019 PSI SC Grand Prix National Championships age group competition sa Trace College Aquatics Center sa Laguna.

Si Enot, 13, sa Colegio de San Ignacio mikolekta og upat ka gold sa boys 13-under 200-meter backstroke, 100m backstroke, 50m backstroke ug 200m individual medley (IM) ug laing tulo ka bronse sa 100m IM, 50m butterfly ug 50m breastroke.

"I was really happy about my performances in Grand Prix because I got four golds and three bronzes in my age-Group and I also beat my times. I wasn’t able to win a medal in the open finals but still I was really happy with my performances," ni Enot sa Sun.Star Davao via Facebook.

Si Philip Adrian Sahagun, sa iyang bahin miangkon og usa ka gold ug tulo ka bronse sa 1,500m freestyle, 200m IM, 400m freestyle sa open finals human miangkon og usa ka gold (boys 16-18 400m IM), tulo ka silvers (1,500m freestyle, 200m IM, 400m freestyle) ug usa ka bronse sa (200m backstroke) sa age-group contest.

Si Matthieu Adrien Tao, sa iyang bahin, milangkat og duha ka bronze sa boys 14-15 200m ug 400m freestyle.

Si Joanna Kayla Gonzales mitigum og duha ka bronse sa girls 14-15 200m freestyle ug 100m freestyle for HGSC.

Si HGSC veteran coach Haroon Cali, namahayag, "Good swim halos tanan sila. Nagbaba ilang swim time."

Si Ateneo Blue Knight Swim Club's Joshua Raphael del Rio, mibulsa sa boys 11 and over 400m freestyle gold sa open finals, giunhan si Jaren Tan saGreen Archers Swimming Club and Sahagun.

Si Del Rio miangkon sab og silver sa 200m IM.