MOKANAW ang Picpa Rapid Chess Tournament sa Hulyo 14 didto sa Damosa Market Basket sa Lanang, Davao City.

Ang torneyo, eksklusibo alang sa mga miyembro sa Philippine Institute of Certified Public Accountants (Picpa) ug Junior Philippine Institute of Accountants (JPIA), naghanyag og ganting salapi ngadto sa mga mananaug.

Si national arbiter Jojo Palero nagsulti nga ang kampeyon modawat og P2,000 samtang ang runner-up mobulsa og P1,000 ug ang ikatulong puwesto mouli og P500.

Apan matud niya nga posibleng motaas ang ganti depende sa mamahimong mosalmot sa torneyo.

Ang pagpalista magsugod sa 11 sa buntag samtang mga duwa sa 1 sa hapon.

Alang sa mga pangutana, palihug kontaka si William Sucuahi (0929-177886) o FNA Jojo Palero (0946-4067722) o kaha si FNA Ely Acas (0942-4948672). (MLSA)