GISUSPENSO sa Maharlika Pilipinas Basketball League (MPBL) ang kinatibuk-ang puwersa sa Soccsksargen Marlins team gumikan sa pagkahilambigit niini sa game fixing.

Si Senator Manny Pacquiao, kinsa maoy founder sa MPBL, nagkanayon nga iyang ipaneguro nga madakpan ug masilutan ang tanang mahilambigit niini.

“This should serve as a serious reminder to all other teams in the MPBL that we are intolerant to any form of cheating and other unsportsmanlike behavior,” pamahayag ni Pacquiao nga napatik sa Spin.ph.

“We formed MPBL precisely to promote fair play in basketball so I don’t want to hear anything that would besmirch the name of the league.”

Matod ni Pacquiao nga nakig-ayuda na kanila ang National Bureau of Investigation aron masumpo ang game fixing sa liga.