SI WORLD Para Swimming Series 2019 silver medalist Ernie Gawilan manguna sa 51-member Davao City delegation nga maningkamot aron mapalambo pa ang ilang 14th overall nga paghuman sa nakalabay nga tuig sa pagsabak nila sa 2019 Philspada National Para Games, Mayo 23 ngadto 31 sa Bulacan Sports Complex, Malolos City, Bulacan.

Ang head of delegation Renah Vidamo sa Sports Development Division of the City Mayor’s Office (SDD-CMO), nagyagyag niini atol sa Davao Sportswriters Association (DSA) Forum sa The Annex sa SM City Davao, Huwebes, Mayo 16.

“Si Ernie atong isa sa mga kusog nga atleta nga mudula,” suma niya.

Si Gawilan, nga Asian Para Games swimming gold medalist, bag-uhay lang miangkon og silver sa 400m freestyle event sa 2019 World Para Swimming Series sa Singapore.

Tungod niini sigurado na ang iyang stint sa World Championships ug Tokyo Paralympic Games.

Ang siyudad motigi sa 10 events - athletics, goal ball, table tennis, chess, badminton, archery, swimming, powerlifting, tenpin bowling ug wheelchair basketball.

“First time nato dunay mudula sa archery and powerlifting. Mas daghan pud atong athletes run. Mas dako atong chance nga musaka pa atong standing. Paningkamutan na musulod ta sa top 10,” suma niya, dungan sa pagsulting ang siyudad mikolekta og 14 ka bulawan, 16 ka silver ug 7 ka bronse.

Amg city government of Davao maoy miabaga sa pamasahe sa eroplano ug allowance sud sa 13 ka adlaw, mi-komisyon sab og sakyanan nga mobiyahe sa mga atleta ug coaches gikan sa billeting quarters ngadto sa tagsa-tagsa nila ka playing venues.

Ang National Capital Region maoy defending overall champion.