LIBOAN ka mga scouts ang miapil sa 4th One Mindanao Jamboree nga gipahigayon sa Boys Scouts of the Philippines (BSP) Camp Bulatukan, Makilala, North Cotabato niadtong Agusto 15-18, 2018.

Dunay tema ang maong kaugdahan nga, "Commitment to Excellence" nga gisalmutan sa liboan ka scouts gikan sa Isla sa Mindanao.

Ang Davao City maoy dunay pinakadako nga contigent nga miabot sa kapin kun kulang usa ka libo diin usa na sa misalmot mao ang Piedad District nga dunay 60 ka mga participants.

Gilangkuban kini sa mga eskwelahan sa San Miguel Integrated School, Batolusa Elementary School, Baracayo Elementary School, A. loyala Elementary School, Bato Elementary School, ug Bangkas Heights Elementary School.

Ang maong mga tunghaan gipangunahan sa ilang mga adult scout leaders nga sila Henry Lim sa Batolusa ES; Raquel Mamacos sa Bato ES; Mary Ann Esparcia sa Bangkas Heights ES; Thomas William Ramas sa Tungkalan ES; Rommel Villalongja sa Baracayo ES; Carlos Ronnie ug Kenneth Ceballos sa San Miguel Integrated School.

Si Sharon Ancia-Ponce ang nahimong district BSP coordinator sa Davao City contingent.

Walo ka mga aktibidad ang gisalmutan sa mga bata mao ang challange valley, adventure trail, laro ng lahi, disaster preparedness, first aid, aquatics, global village ug pioneering.

Nahuman ang Jamboree pinaagi sa usa ka Cultural Night ug Camp fire diin sa pagpanguli sa mga scouts dala nila ang di malimtan nga kasinatian nga midugang sa pagpalig-on sa ilang kompiyansa ug pagsalig sa kaugalingon.