NIANGKON si Aiza Seguerra nga padayon siyang nipaubos karon sa "hormone replacement therapy."

Sa interbyu sa Tonight With Boy Abunda, matud sa 34-anyos nga singer nga mao kunong niubos ang iyang tingog tungod sa maong proseso.

Dili na kuno siya ganahan sa iyang lawas nga babaye. Iya sad gibutyag ang laraw niya nga magpa-opera aron hingpit siya nga mahimong lalaki.

"It's hard to wake up everyday seeing that you are in this body and alam mo na hindi naman ito dapat iyon," dason niya sa interbyu ni Boy Abunda.

"Siguro naman iyong ganda ng boses ay hindi mag-iiba. It's just that bababa lang siya ng kaunti."

Giawhag sad niya ang fans nga dili na siya tawgon og Aiza kundi sa bag-o niyang pangan nga "Ice." Plano sad nilang magka-baby sunod tuig sa iyang partner.

Si Seguerra ug Liza Diño, kinsa chairperson karon sa Film Development Council, nakasal niadtong 2015.

Si Seguerra nagpa-interbyu sa maong show aron i-promote ang bag-o niyang single, "Anghel Sa Lupa."