DEAR Heartline,

Ako diay si Leslie, 16 years old, taga Toril, Davao City.

Naa koy ex-boyfriend, unya naka move-on na unta ko after one year.

Apan sa kalit lang, miingon nga makigbalik siya kay nagmahay siya kay gwapa ug hot ko.

Palihug tambagi ko.

Leslie

***

Dear Leslie,

So offending naman sa rason sa imong ex nga buot makigbalik nimo.

Makigbalik kay nagmahay, kay gwapa ug hot ka.

Aw, kung ana man lang iyang rason, wish you luck kung dawaton nimo siya og usab.

Mas maayo man gyud siguro paminawon nga makigbalik siya nimo kay nagmahay siya ug narealize niyang mahal diay ka niya.

Ayaw dayon og tuo sa mga sweet words, lisud na mabiktima na sab og usab.

Huna-hunaa gyud og maayo kung kanang tawhana worth it hatagan sa second chance.

Kay kung ako imong pangutan-on, nah, sorry na lamang gyud.

Sa rason pa lamang, di na gyud kasaligan.

Magduda man sab ta, murag lahi may giapas.

Kung pwede ayaw na pagdinanghag =)

Heartline