NAUKAY na sab ang netizens sa sunod-sunod nga post sa Instagram sa mag-inahan nga Sharon Cuneta ug KC Concepcion.

Sa post ni KC, makita ang bonding nila sa amahan niyang si Gabby.

"Look who my handsome date is," ni KC sa iyang IG video.

Luyo kang KC, gapost sab si Gabby og mga photos ug videos nila ni KC, uban sab ang tinubagay nila sa comment sa anak.

Samtang si Shawie, nagpost og photo labot sa closeness niya sa mga anak nga sila Frankie ug Miel.

"These are my loving, good-hearted girls who truly treasure me and our family. I am so proud to be their mother!" ni Shawie.

Sa maong post sa aktres, daw timailhan kining may bangi gyud sila sa anak niyang si KC.

Kahinumduman nga absent si KC atol sa birthday presentation sa inahan sa ASAP.