Kalingawan

Lokal kasikas: Philippine Eagle Week 2019

Rhona Goc-ong-Villariasa

ARON mas mapasabot pa ang kamahinungdanon sa agila, gihimo ang "Bird of Prey" usa ka exhibit ug film screening nga misikad sa Annex, SM City Davao, gikan Hunyo 4 ngadto Hunyo 12 ning tuig, subay sab sa selebrasyon sa Philippine Eagle Week.

Suma pa nga ang exhibit nahimong posibleng uban sa suporta sa SM City Davao, Department of Environment and Natural Resources (DENR), Philippine Eagle Foundation (PEF) ug uban pang ahensiya.

Ang Philippine Eagle Loan Program Exhibit nasaksihan sa mga Dabawenyos, niadtong Hunyo 4 ngadto 7 ug Hunyo 9 ngadto 12 sa Annex sa SM City Davao.

Samtang ang libre nga public screening sa “Bird of Prey” gihimo dungan sa kasaulugan sa Philippine Independence Day, Hunyo 12 sa Cinema 3 sa SM City Davao.

Ang agila, gikonsiderang endangered species mao nga tumang paningkamot ang gihimo sa PEF katambayayong ang gobyerno, lakip na pribadong sektor aron kinatibuk-ang mapasabot nganong gikinahanglan ang tibuok nga pagpangga ug pag-amuma sa mga agila.

Parte sab sa Philippine Eagle Week ang pagbiyahe sa duha ka agila, sila Sambisig ug Geothermica padung sa Singapore aron i-promote ang dugang pagtuon ug breeding kanila.

Sumala pa usa kini ka 10-year loan program agreement nga naselyuhan tali Philippine government ug Singapore.

Luyo sa Davao City, gihimo sab ang Philippine Eagle Loan Program Exhibit sa SM CDO Downtown Premier (Hunyo 4 ngadto 8); KCC Mall de Zamboanga (Hunyo 4 ngadto 6); Robinson's Place Butuan (Hunyo 4 ngadto 7); Robinson's Place Gensan (Hunyo 4 ngadto 10).

Aduna say Art Workshop uban ang mga kabataan sa Manolo Fortich sa Bukidnon, Barangay Baracatan, Barangay Daliaon Plantation ug Barangay Sibulan.

Buhisan Dam.

City Council urges MCWD to address Buhisan dam desilting

'Muddy water' irks some residents

Piston Cebu skips transport strike for 2nd time, plans rally against PUVMP outside LTFRB 7

DILG allows police, jail, fire personnel to wear light uniforms due to summer heat

Defense chief: PH didn't sign any contract with China concerning Ayungin Shoal