NAHUGYAW ang pipila ka Dabawenyo nga nakasaksi sa pagduaw sa dakbayan ni San Miguel Flavored Beer endorser Yassi Pressman.

Baynte singko sa sari-sari stores sa Obrero, ning dakbayan, ang giduaw sa aktres, Disyembre 16.

Mga nahisgutang tindahan nahimong parte sa kalampusan sa produkto sa nanglabay nga katuigan.

Bitbit sab ni Yassi sila Fro Bro and Geek Guy.

Nasayran nga kini na ang ika-duhang beses nga sila miduaw sa mga sari-sari stores.

Nauna na kini nga gihimo sa Baguio City diin 25 sab ka tindahan ang ilang gisuroy.

Sa ilang pagduaw sa tindahan, nanghatag sila sa mga nanag-iya niini og coolers, cash, ug San Miguel Flavored Beers isip sayo nga pinaskuhan nila.

“We’re trying to show you that it’s a beer that’s perfect for everyone. If you like something light, something sweet - it’s the perfect partner,” tsika ni Yassi.

Gi-endorso man sa aktres ang pag-inum og beer, apan gidasig sab niya ang publiko nga moinum niini sa moderasyon lang ug di sab magmaneho kung anaa sa impluwensiya sa alkohol.