DAGHANG mialma sa kapildihan ni abogado Patch Magtanong isip representante sa Miss International.

Igo lang nakaabot si Patch sa Top 8 sa kompetisyon.

Atol sa pageant, gihatagan og pila ka segundos ang kandidata nga mapasibaw ang iyang inspiring speech kalabot women empowerment.

Apan, suma sa mga nakasaksi, wa namao ang paghubad sa interpreter sa pahayag ni Patch.

Ang kompetisyon gihimo sa Japan.

Giangkon sab ni Patch nga gikulbaan sab siya dihang nabati nga naglisud og sabot ang interpreter sa iyang gisulti.

“Parang naririnig ko nagsa-struggle ‘yung interpreter. So medyo kinabahan ako,” matud ni Patch.

“Pero I think hindi naman lang ang speech ang basehan ng Miss Internatioal. S’yempre, overall. And siguro, hindi ako ‘yung hinahanap nila,” dugang niini.

Ang korona karon nga tuig naadto kang Sireethorn “Bint” Leearamwat sa Thailand.

Uwahing nakuha sa Pinas ang korona niadtong 2016 via Kylie Verzosa.