DILI lang ang mga miyembro sa Kapa Community Ministry International, Inc. (Kapa) ang nakulbaan karon, lakip na ang ubang miyembro sa mga nanggawas nga money investment schemes sa Davao Region.

Kini human mipagula ang mando ni Pangulo Rodrigo Duterte atol sa interview sa Sonshine Media Network International (SMNI) pinaagi ni Pastor Apollo Quiboloy.

Ang presidente nagmando sa National Bureau of Investigation (NBI), Criminal Investigation and Detection Group (CIDG), ug pulis nga susihon ang mga investment schemes ug sirad-an.

"It is a continuing crime. So arrest them and investigate it. That is why NBI... sirahan mo na sila... upon my orders," pahayag sa Pangulo nga nabutang sab sa alanganin ang ubang mga investment schemes, gawas sa KAPA.

Ang katawhan nasayod namang daan nga sa pagsulod niini nga investment, alang lamang kini sa mga “risk takers” ug unta magmakalmahon lamang aron di parihas sa uban nga misaka na ang presyur sa dugo.

Kung mahitabo man nga na “scam” na gayod; kung mahitabo nga wala na'y “pay out,” nan ibutang nalang kining tanan nga kabahin sa kasinatian nga sa sunod dili na gayod moapil.

Mas maayong ibutang nalang ang salapi sa kaseguradohan, aron wala'y mamahayan.