MAY bag-o nang talent manager si Baron Geisler.

Sa kasamtangan, si Arnold Vegafria na ang manager sa aktor ug kauban na niya sila si Billy Crawford ug John Prats sa bag-o niyang pamilya.

Matud ni Arnold nga dako na kaayo ang gibag-o ni Baron sa kasamtangan. Ginasunod na daw ni Baron ang tanan niyang sugo lakip na ang pagpa-detoxify sa iyang kaugalingon.

Una nang gisulti ni Baron nga usa sa mga grabeng suliran niya mao ang iyang pagka-alcoholic ug mao sab kini ang hinungdan kung nganong nadaot ang iyang kinabuhi.

Karon, si Baron, nag-usab na gayud daw sa iyang lifestyle ug nanganti nga mas palambuon ang iyang career.

Nipirma na sab og bag-ong kontrata si Baron sa ABS-CBN nga giingong usa ka TV series.

Kahinumduman nga gidat-ogan si Baron og daghang suliran tungod sa iyang pagka-alcoholic nga nakita gayud sa publiko dihang miapil siya sa PBB celebrity edition.