TUN.AN sa Kapitolyo ang mga dokumento nga gihuptan karon sa mga sakop sa Old Philippine Railway Residents Association kun OPRRA, kinsa nangangkon nga dunay katungod pagpuyo sa usa sa mga luna sa probinsiya.
Kini human nila korala ang luna nga mahimutang sa Unit 3, Oprra, Kalunasan, Cebu City.
Tuyong gibisita sa Anti Illegal Squatting Task Force sa Kapitolyo ang Unit 3 sa Oprra, Kalunasan ug nisugat kanila ang usa ka dakong “no-entry” sign.
Ang mga sakop sa Oprra, pinangulohan ni Francisco Pintor Jr., maoy nibutang sa ali ug niangkong sila maoy dunay legal nga katungod sa dapit.