Duwa karon
8:00 pm - San Mig batok Talk ‘N Text
MOSUWAY pagsulod sa finals ang San Mig Coffee Mixers sa ilang pagpakigbatok og balik sa Talk N’ Text Tropang Texters karong gabii sa Game 3 sa ilang best-of-five semis series sa 39th Philippine Basketball Association (PBA) Governor’s Cup sa Araneta Coliseum.
Ang Coffee Mixers, nga nagtinguhang makalangkat sa talagsaong Grandslam title ning maong komperensya, nakamugna og dominanteng 2-0 nga bintaha sa series human sa ilang 93-85 nga kadaugan sa Game 2.
Kon modaog ang Coffee Mixers karon, hayan mao kini ang ika-27 nga higayon nga makataak sila sa finals gikan sa ilang pagsulod sa liga niadtong 1988.
Si coach Tim Cone, kinsa maoy winningest coach bitbit ang 16 ka mga titulo, nagtinguha sa iyang ika-29 ka higayon nga pagsulod sa finals.
Ang Coffee Mixers gilaumang magsalig gihapon og maayo nila ni Marqus Blakely, Joe Devance, Ian Sangalang, Marc Pingres, James Yap, Peter June Simon, ug Mark Barroca.
Nagkanayon si Cone nga wala pa sila’y angayang ikalipay kay wala pa nila makompleto ang misyon.
“It’s only a 2-0. What we need now is another win. And we will go forthat on Monday,” batbat ni Cone.