USA ang patay sa pagbusikad sa granada niadtong Martes mga alas 6:30 sa gabii sa Purok 2, Balintad, lungsod sa Baungon, Bukidnon.

Giila ang namatay nga mao si Ramil Puclawan, 21, taga Purok 4, sa susamang barangay human naigo sa shrapnel sa pagbusikad sa granada.

Ang kapolisan sa Baungon Police Station niingon nga kagabii pa missing si Ramil atol sa pagbusikad ug kaganina sayo sa buntag nakaplagan ang patay’ng lawas niini nga puno og igo sa bala.

Nadala usab sa Northern Mindanao Medical Center (NMMC) ning siyudad sa Cagayan de Oro mao ang pamilya ni Marvin Puclawan, Orly, 23; Jalil, 20; Allie John Kilatan ug Alfie Tingalan kinsa duha kanila ang anaa sa talandugon ang kahimtang.

Sa inisyal nga imbestigasyon nasayran nga kamulo og dula kining mga batan-on og billiard dihang kalit lang nga giitsahan og granada sa wala mailang suspetsado hinungdan sa kusog nga pagbusikad niini.

Tungod sa kahadlok, nag-iyahay sa pagpanagan ang mga batan-on ug gitouhang si Ramil nga naigo na niadtong tungora ang naulotan sa ngitngit nga bahin labina napalong usab dayon ang kuryente niadtong tungora.

Kagahapon pa sa buntag nakita ang patayng lawas niini samtang gabii pa sa adlawng Martes gibyahe paingon dinhi sa siyudad ang mga samaran.

Padayon pa nga gisuta sa kapolisan ang motibo sa pagpamomba niniing panahona labina dako ang pagtuong daw hinimoan na usab kini sa gitouhang walhong pundok. (SVB)