NITAMBAG si Cebu Archbishop Ricardo Cardinal Vidal sa mga Sugbuanon nga mag-ampo sa di pa mobotar karong umaabot Mayo 10 nga piniliay aron makapili gyud og tarong nga mga kandidato.

Matod ni Vidal nga ang katawhan ra gihapon ang mag-antos kon di ligdong ang mga kandidatong mabutang sa katungdanan.

Click here for stories and updates on the Sinulog 2010 Festival.

Hinuon iya gyung gidasig ang katawhan nga mosalmot sa piniliay.

Matod usab niya nga angayang magpasalamat ang katawhanan sa laing kahigayonan nga makapili og mga kandidato kay ang pagbotar iyang gihulagway nga usa ka “patriotic act.”

“If we don’t select well our leader, we will be the one to suffer. We pray at first and then at the same time we have to choose well especially those who are have the qualities to become the president or vice president or any officials in the coming election,” nagkanayon si Vidal dihang nahinabi sa mga sakop sa media atol sa iyang birthday niadtong Sabado.

Sa mga kandidato, ang tambag ni Vidal mao nga di magdinautay ug mopresentar lang sa ilang mga kuwalipikasyon, kalampusan ug plataporma aron masayran sa mga tawo kon sila ba ang angay pilion.“Don’t destroy each other by criticizing each other because it’s useless,” dugang ni Vidal.

Karong tuiga himuon ang unang automated elections.