ANAA sa 49 bag-ong kaso sa Covid-19 ug wala'y patay ang natala sa Dakbayan sa Cagayan de Oro Biyernes, Enero 14, 2022.

Matud sa City Health Office, sa 49 ka bag-ong kaso, duha ang mga returning overseas Filipinos (ROFs) ug 47 ang mga local transmissions.

Sa 47 ka mga bag-ong lokal nga mga kaso, 24 ang mga local index nga kaso, 10 ang mga local cases with link, 12 ang mga lokal nga authorized persons outside residence (Apors), ug usa ang Apor with link.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 20,827.

Adunay 372 aktibo nga kaso ang dakbayan, 83 niini na-admit sa Northern Mindanao Medical Center ug uban pang mga ospital sa syudad, 272 ang mga outpatient, ug 17 ang mga ROFs/LSIs.

Nakatala usab og upat ka mga pasyente nga nakarekober sa sakit. Anaa na karon sa 19,602 ang ihap sa mga nakarekober sa dakbayan.

Ang ihap sa mga namatay sa Covid-19 sa syudad anaa sa 853.