DUHA ka mga lalaki ang gipamatay sa lalawigan.

Usa ka menor de e­­­dad nga ang gi-salvage ug napalgan kagahapon sa ala 1:05 sa kaadlawon sa Sitio Estaca, Barangay Tunghaan, Minglanilla.

Ang 16-anyos nga biktima taga Sitio Bacay Barangay Tuay Minglanilla, giila sa iyang inahan kagahapon, sumala ni Chief Insp. Franco Rudolf Oriol, hepe sa Minglanilla Police Station.

Samtang, nagtan-aw og sa sayaw sa Sitio Luwanluwan Barangay Poblacion 1, dakbayan sa Carcar gipusil-patay.

Si Pantalion Indig, hingkod, dead-on-arrival (DOA) sa ospital sa Carcar humana nakaangkog tulo ka samad pinusilan sa nawong.

Gisubay sa kapulisan ang duha ka kaso.