TAGBILARAN CITY - Bag-ong pito ka mga Multi-Purpose Electronic Billboard (LED Board) ang gitaod sa siyudad sa Tagbilaran.

Labing una ang Tagbilaran sa probinsiya sa Bohol nga nag-instalar og LED board aron paghatag og dugang serbisyo di lang sa mga konstituwenti lakip usab sa mga mahidangat sa Tagbilaran.

Bag-ong inisya­tibo kini sa siyudad sa Tagbilaran ubos City Mayor John Geesnell Yap uban sa Disaster Risk Reduction Management Office nga mapangusgan pagpakatap og impormasyon sa katawhan ilabina sa angay himuon panahon sa katalagman ug uban pa.

Ma­kita sa mga LED Board ang early warning weather updates sa probinsiya sa Bohol, mga emergency hotline numbers ug ingon man sa mga umaabot nga mga kalihokan nga ipahigayon. (LTB)