NIKABAT sa 80 ka kilos sa manok nga gituohang gipalusot ang nasakmit sa meat task force sa merkado sa Tabunok, dakbayan sa Talisay kagahapon sa buntag.

Si Dr. Santiago Hortel, city veterinarian, niingon nga ang ilang buhatan nakadawat og taho labot sa giingong mga karne ang gipalusot hinungdan nga miadto ang iyang mga sakop.

Ang tag-iya sa mga karneng manok nga si Manuelito Azores gipangitaan og dokumento napakyas kini sa pagpakita.

Gibanabana nga 80 ka kilong manok ang ilang nasakmit nga ang tanan mokabat sa kapin sa P10 mil nga ilang gilabay sa septic tank sa ihawan sa Talisayad.

Hinuon, wala mopakita og pagsukol ang tag-iya sa mga karne.