NABUHI pa ang Barangay Ginebra San Miguel human nila nakuha ang kinataposan nga walo nga slot pinaagi sa kulbahinam nga 110-107 nga kadaogan batok sa NLEX Road Warriors atol sa 2015 PBA Governor’s Cup niadtong Miyerkules sa gabie sa SMART-Araneta Coliseum.

Ang tres ni Japeth Aguilar sa uno segundo nalang nabilin ang nipadaug sa Gin Kings aron atbangon ang numero uno nga Alaska Aces, nga adunay twice-to-beat advantage.

Nakontrolar sa Road Warriors ang dula sa unang tulo ka kwarter apan

nakabwelo ang Gins pagangkon sa ilang kinataas nga labaw sa dula nga tres puntos, 106-103, bago naselyo ni Aguilar ang kadaogan.

Sugdan karong adlawa ang crossover round paagi sa Purefoods Star Hotshots (5) batok GlobalPort Batang Pier (4) ug Ginebra (8) kontra Alaska (1).