NAKAESKAPO si Johnnel Balquin sa tumoy sa kapildehan batok kang National Master Roger Verganio aron moabante sa semifinal sa 2017 Barangay Carmen Pre-fiesta Open Chess Tournament kagahapon didto sa Carmen covered courts.

Naka-una ang beteranong si Verganio sa unang dula sa quarterfinal ug gikinahanglan lang og tabla sa sunod round aron maangkon ang silya ngadto sa semifinal.

Dumadaug pa si Verganio sa sunod nga dula apan kalit lang siya nasayop ug gitagaan niya si Balquin og higayon nga matabla ang ilang match ngadto sa 1-1 aron mapugos pugos sa sudden death armageddon play-off.

“Pilde na si Balquin. Nasipyat lang si Roger diin kinanlan lang niya matabla ang ikaduha aron sulod na sa semis,” ingon ni tournament arbiter Silverio Abasolo.

Apan, gisamdan ni Balquin si Verganio sa sudden death ug angkonon ang semifinal slot diin maatbang niya si John Vincent Cayaba, kinsa nagpilde kang Jeriel Manlimbana sa Bukidnon agi sa usa sab ka sudden death nga desisyon.

Sulod sab si Jake Gonzales sa semifinal human giparot niya si Paciano Gulle, 2-0.

Si Gulle sa iyang kabahin mihuyog sa tournament hall human gitagak niya si NM Rustum Toletino sa second round.

Sulod sab si master-caliber Allan Cantonjos sa semifinal human giparot niya si Rome Canino ug maatbang niya si Gonzales.

Nikolay Sergey Daclag, Elrique Vinzo Orcales, Shun Kine E. Ira, Michael B. Porras Jr., Duscha Vanya Daclag, Lorenzo Josh Orcales Bronze ug Kenneth Mark B. Porras Sr.