IPAHIGAYON karong adlawa ang mga libreng serbisyo alang sa mga iro sa gymnasium sa Barangay Talamban, siyudad sa Sugbo, duol sa Talamban Times Square.
Kini gipasiugdahan ni Bob McQuaid sa PH Dog Blood nga magsugod alas 9 sa buntag hangtod sa alas 5 sa hapon.
Apil sa mga serbisyo ang libre nga pagpamakuna batok sa rabies, deworming, ug libreng pagpangapon sa Cebu City Pound team.
Aduna usab mga itoy ug iring nga gagmay nga ipasagop sa Imanuel Theodor Willburger-Wild ug Mayari Animal Rescue Organization Inc.
May garage sale usab sa Saving Strays Cebu; donation drive sa mga mosalmot nga rescue teams; pagbansaybansay sa mga iro sama sa bomb and drug sniffing sa Alwyn Scheepers; dog show ni Kring Alforque Tan; ug harana sa sa Imanuel Theodor Willburger-Wild of Wild Rescue Crew featuring ni Liliven.
Modawat usab sila og donasyon nga gamitunon sa mga iro ug iring sama sa pagkaon, sabon, bleach, newspapers, Gentian Violet, vitamins ug dewormers. (PR)