NAGPATALA sa buhatan sa kapolisan ang usa ka lolo human gilabnihan sa iyang mahalong kwentas samtang sakay sa pasaheroan nga dyip niadtong Domingo mga als 5:30 sa hapon sa Barangay 34, Dakbayan sa Cagayan de Oro.
Ang biktima gi-ilang si Victorico Camacho, lumolupyo sa dalan Del Pilar ning dakbayan.
Subay sa report sa Police Station 2 sa Cogon, nasayran nga sakay ang biktima Lapasan Liner paingon sa usa sa dakong Mall ning dakbayan dihang nahitabo ang insidente.
Gi-ingong kalit nga misakay ang usa ka batan-ong lalaki ug gibunlot ang gisul-ob niini nga kwentas nga aduna'y pendant nga Queen Elizabeth nga mokantidad og P8 mil.
Ang suspetsado gibana-bana nga nagpangidaron og 20 anyos, sakto lang ang pamanit, niwangon ug adunay gitas-on nga mga anaa sa 5 feet. (KCS)