MAS nikusog ang tsansa ni Maymay Entrata nga maoy mamahimong Big Winner sa umaabot nga Big Night sa Pinoy Big Brother: Dream Team.

Tungod kay sa walo ka mga housemate nga nahibilin karon sa dream team, si Maymay ang gidayeg pag-ayo ni Direk Rory Quintos.

Sa ilang tulo ka adlaw nga Live Drama's Titig ng Pag-ibig, klaro nga si Maymay ang gihatagan og dakong exposure sa estorya.

Paghulagway pa ni Direk Rory kang Maymay, “may talent, matalino, mahusay, magaling, madaling pumik-up, inosente, pure, nakakatuwa, next superstar sa ABSCBN at tataya siya kay Maymay.”

Hasta ang mga reaksyon sa mga Netizen sagad pabor ni Maymay. Kon alang sa uban O.A. si Maymay, apan alang sa iyang mga suppor­ter ang O.A. nagpasabot og Outstanding Actress.

Ang mga behind the scene ug footages sa ilang live drama makita usab sa PBB ONLINE.

Ang Big Night sa PBB Dream Team ipahigayon live karong Marso 4 ug 5, Do­minggo.