GIANDAM niya ang papel ug pen, si Bonna Joy Gaboya, 65, namati pag-ayo ug gisuwat ang iyang nasabot kon unsaon sa paggamit sa smartphone atol sa Smart Communications’ “millennior” program alang sa senior citizens sa Sugbo.

Ang termino nga “millennoir” usa ka pagduwa sa pulong nga “millennial,” diin nagpasabot nga tech-savvy ug social media experts, ug ang “senior” nga buot makakat-on sa teknolohiya naglisod ug kinahanlgan nga tudloan.

Si Gaboya usa sa mga partisipane nga unang tulo ka mga Saado ubos sa pagbansay sa Smart program.

Sa unan sisyon niadtong Abril 7, nakakat-on siya sa pagpangita sa power button, volume control, microphone, camera, charging point ug ubang features sa smartphone.

Gitudloan siya sa gipasabot sa touchscreen, back ug home. Siya nakakoneltar pinaagi sa mobile data sa pag-abot sa Facebook.

Ang programa, giorganisar sa Philippine Association of Retired Persons (PARP), gipaluyohan sa Smart Communications ubos sa “#SmartMillenniors Program – Teach tech to your elders campaign.”

Ubang partners mao ang EduStudio ug ang Coalition for Better Education medal of excellence awardees.

Ang student-awardees mao ang nagtudlo sa lolos ug lolas sa paggamit sa smartphones aron mas mapaduol sila sa millennial apos, sumala sa post sa Smart Communities account on Facebook.

Ang programa mohimo og duha ka laing pagbansay karong Sabado, Abril 14, ug sa sunod nga Sabado, Abril 21. Dunay mga pagbansay nga gipahigayon sa Smart Communications offices sa Barangay Mabolo, atbang sa Carmelite Monastery.

Bisan dili sakop o miyembre sa PARP senior citizens, pwede makaapil sa pagbansay apan kinaanglan nga mokompirmar una pinaagi sa pagtawag akng Grace C. Ferreros, PARP national secretary, sa 09987917351 o email sa graceferreros@gmail.com. (PR)