LAING nilalang nga nakit-ang patay kagahapon sa gawas sa Swissotel The Stamford diin nagpuyo ang pipila ka mga atleta nga apil sa 28th Southeast Asian Games sa Singapore.

Basi sa taho sa The New Paper, ang 33 anyos nga lalake gituohang natagak gikan sa taas nga andana sa hotel nga nahimutang duol sa Philippine secretariat.

“It wasn’t pretty,” asoy ni Singaporean sprinter Calvin Kang, kinsa nakakita sa patayng lawas.

Niadtong Mayo 30, usa ka babayeng Australian ang namatay sab human natagak gikan sa 60th floor sa maong hotel.

Usa ka sakop sa Philippine secretariat mibutyag sa Spin.ph nga gi-lock sa hotel ang tanang sliding doors sa mga balkunahi niini aron malikayan nga mausab ang insidente.