LALAKI nga nagpailang special investigator (SI) sa National Bureau of Investigation (NBI) nga nangilkil og kuwarta nasikop.

Si Avednigo Origuines nasikop sa mga tinugyanan sa NBI niadtong Pebrero 14 tungod sa usa ka reklamante.

Sumala pa, upat na ka buwan na silang gipatuo ni Origuines nga SI sa NBI ug di momenus sa tunga sa milyon ka pesos ang nakuha niini sa ilang pamilya.

Gawas niini, niipon na kinig puyo sa ilang apartment kauban ang iyang kapuyo ug ang inahan niini, nga iya sab gipaila nga pag-umangkon ug igsuon ni Presidente Rodrigo Duterte.

Nakaila sa pamilya sa reklamante ang suspek niadtong Oktubre human gidakop niini ang iyang manghud tungod sa blinker sa iyang sakyanan.

Ang suspek giktakda nga pasakaan og kaso.