HUGONHUGON karon nga mokig-uban og balik si Paul Pierce sa iyang kanhi coach nga si Doc Rivers isip parti sa Los Angeles Clippers alang sa umaabot nga season sa National Basketball Association (NBA).
Ang 37 anyos nga si Pierce niingon nga nakita gyud niya ang iyang kaugalingon nga moduwa sa 2015-16 season apan daw wala’y kaseguroan nga magpabilin siya sa Washington Wizards.
Gamiton unta sa Wizards ang ilang $5.5 million nga opsyon apan gibalibaran kini ni Pierce.
Basi sa CBS Sports, nalantawan nga dako ang poruhan nga ang Clippers maoy makakuha sa serbisyo sa 17 ka mga tuig nga beterano.
“The expectation among many in the league remains Pierce will wind up in L.A. with the Clippers,” matod ni David Aldridge sa NBA.com.
Gituohang mosulod sa free agency karong Hulyo.
Karon nga hapit nang motiklop ang career ni Pierce, dako ang poruhan nga makig-uban kini’g balik kang Rivers.
Sila si Pierce ug Rivers nakaangkon og NBA title niadtong 2008 dihang nag-uban sila sa Boston Celtics. (AP)