GIPAKITA sa NBA sa miaging semana ang episyal nga desinyo sa T-shirt alang sa labing unang NBA Filipino Heritage Week nga tipik sa kasaulogan sa kulturang Pinoy.

Makita ang usa ka desinyo sa jeepney nga gibutangan og dugang mga elemento nga timailhan sa Pilipinas sama sa bidlisiw sa adlaw.

Makita sab sa bag-ong desinyo ang Larry O’Brien trophy, nga nagsilbeng headlights sa atubangan sa jeepney.

Atol sa NBA Filipino Heritage Week, ang Golden State Warriors ug Miami Heat mo-host og mga duwa sa dili pa motiklop ang buwan sa Marso.

Ang Heat mo-host og post-game press conference kauban ang ilang Fil-Am coach nga si Erik Spoelstra atubangan sa Philippine media samtang ang Warriors adunay pasundayag sa halftime diin mokanta si Martin Nievera.