SA KAUNA-UNAHANG pagkakataon, isinailalim sa lockdown ang Camp Olivas simula noong Sabado ng gabi at ito’y matatapos hanggang sa Martes.

Sang-ayon kay Brigadier General Rhodel Sermonia, Police Regional Office (PRO)-Central Luzon director, ito’y dahil sa pagkaka-infect ng Covid-19 ng 18 Philippine National Police (PNP) personnel at isang sibilyan sa kampo.

Isinailalim sa swab test ang lahat ng PNP personnel at non-uniformed personnel sa kampo matapos mayroon umano infected na isang police officer.

At nang lumbas ang resulta, 18 PNP personnel at isang non-uniformed personnel ang nagpositibo sa virus.

Kaya naman noong Sabado ng gabi ay isinailalim na sa temporary lockdown ang kampo.

Lahat sila at ang sibilyan ay pawang asymptomatic, ayon pa kay Sermonia.

Isinailalim sa strict quarantine and monitoring ang mga ito at inilagay sa quarantine facility ng PRO-Central Luzon.

Sa kasalukyan, isang contact tracing ang isinasagawa ng PRO-Central Luzon authorities sa mga PNP personnel sa kampo at mga sibilyan maging ang kanilang mga pamilya.

Patuloy pa rin ang isinasagawang swab testing ng Regional Health Service upang matukoy pa ang maaaring infected pa sa virus.