NOONG nakaraang Biyernes, isang major revamp ang ipinatupad ni Chief Philippine National Police General Camilo Cascolan.

Sa nasabing reshuffle, sina Brigadier General Ronaldo Olay ay itinalaga bilang director ng Health Service, siya ang dating deputy comptroller. Pinalitan nito si Brigadier General Roque Eduardo Ega.

Si Brigadier General Herminio Tadeo Jr. ay itinalaga naman bilang deputy chief of the Directorate for Information and Communication Technology Management (DICTM) samantalang si Brig. Gen. Rex dela Rosa ang itinalgang bilang Finance Service director. Si Dela Rosa ay dating PRO3 Deputy Regional Director for Administration.

Itinalaga naman ni Cascola si d Brigadier General Danile Mayoni bilang deputy police and community relations chief, samantalang sina Col. Arthur Cabalona bilang executive officer of the Directorate for Comptrollership and Colonel Jose Melencio Nartatez Jr., ay itinalaga bilang executive officer of the Directorate for Research and Doctrine Development.

Matatandaan sa unang pag-upo ni Cascolan itinalaga niya si Lieutenant General Guillermo Eleazar bilang deputy chief for administration at Lieutenant General Cesar Binag bilang deputy chief for operations.

Sa pagtalaga sa mga bagong puwesto nina Eleazar at Binag ay bilang pagsunod sa kanilang dating posisyon na kung saan karapat dapat lamang silang umakyat.

Samantalang ang nabanggit na pitong Senior Police Officers na itinalaga sa iba’t ibang puwesto ni Cascolan ay maliwanag na nagpatupad ito ng revamp.

Sa short message ni Cascolan nang maupo ito bilang Chief PNP ipinahayag nito wala siyang gagawin reshuffle.

Ang dahilan sa ginawang revamp ni Cascolan sa pitong Senior Police Officers ay dahil umano sa pagretiro ng ilang senior police officers.

Sabi nga ng ilang police officers sa Dateline, buti pa raw hinid na ipinahayag ni Cascolan na wala siyang gagawin revamp sa kanyang pag-upo. Bakit ginawa din nito? Nagtatanong lang po...

Dalawang buwan na lamang ay magreretiro na si Cascolan sa PNP service. E bakit pa umano ginawa ang reshuffle? Nagtatanong lang po...