MOABOT ngadto sa 1,633 ang total nga aplikante sa gipahigayong job fair sa kapitolyo probinsyal niadtong Miyerkules, Enero 9, sa Capitol Park subay sa nagpadayong kasaulogan sa Kuyamis Festival 2019.

Ang aplikante alang sa overseas mokabat sa 389 ug 1,244 niini ang sa local nga mga nagkinahanglan og aplikante.

Sa total nga 1,633, mokabat sa 1,542 ang mi qualify nga aplikante.

Mokabat sab sa 20 ang nadawat on the spot ug daghan ang tawagan ug aduna pay laing mga intebyu nga ipahigayon.

Sa kinatibuk-an, moabot ngadto sa 3,946 ang bakanteng trabaho nga gitanyag local ug overseas.