GIPASALAMATAN nga luwas ang tulo ka mga mountain climbers nga halos tulo ka adlaw nga missing sa Scout Camp, Sitio Civolig, Brgy Lunotan, Gingoog City.

Giila ni Lieutenant Colonel Roy Derilo, commander sa 58 Infantry Battalion, ang mga mountaineers nga sila Raine Kassiopeia B. Fama, 12; Dan Dave del Rosario, 18, ug Christian Daryl Tapiru, 28, minyo, pulos residente sa Nasipit, Agusan Del Norte.

Natabo sa mga rescuers ug Claveria Mountaineers nga patugbong na ang tulo mga alas 10 sa buntag niadtong Martes, Enero 7.

Matud ni Derilo sa SunStar Superbalita nga daghan sa mga mountaineer ang nag-volunteer pagpangita ug positibo dihang natabo sa Famburgas nga bahin.

Gidala sa Sanitarium Hospital sa Gingoog City ug gipaubos sa stress debriefing karon panahona.

Kahinumduman nadiskubre kini sila sa ilang mga kauban nga wala na dihang nasinati ang kadaot sa panahon niadtong tungora sa dapit.

Sa imbestigasyon sa Gingoog City Police Station, duna kini silay grupo aron mosaka sa bukid apan kining mga kauban maoy nakadiskubre nga nawala ang tulo.

Giingong wala kini sila nakigkoordinar sa local government unit sa Gingoog dihang misaka sa bukid.

Si Nicole Managbanag, city information officer sa Gingoog, nibutyag sa SunStar Superbalita nga wala gisapayan sa siyudad ang wala’y koordinasyon kanila ug ilang prayoridad nga luwas silang makabalik ngadto sa ilang tagsa tagsa ka pamilya.