WALA gikalipay sa nagkadaiyang sector sa human rights ang gitakdang laing ekstensyon na usab sa martial law sa Mindanao.

Atol sa Human Rights Summit 2018 niadtong Miyerkules, Disyembre 5, gipaabot sa Movement Against Tyranny-Northern Mindanao (MAT-NMR) nga walay laing dala sa martial law apan pagpanghadlok ug distraksyon sa tawhanong katungod ilabina gyod sa mga nabintahaan nga mga indigenous group, mag-uuma, ug uban pang lumad.

Daw sulod sa 560 ka adlaw sukad sa kagubot sa Marawi ug dungan sa deklarasyon sa martial law.

Sa Northern Mindanao lamang ang human rights group nga mao ang Karapatan adunay narekord nga mga kaso sa peke ug pwersadong pagpasurender.

Moabot sa 16 ka insidente sa pagpasurender sa 927 ka mga indibidwal; 16 ka insidente sab sa illegal nga pag-aresto diin 43 ang biktima niini samtang gipasakaan og kaso ang 47 ka indibidwal diin pulos kini sila sakop sa organisasyon sa katawhan.

Si Reverend Fr. Rolando Abejo sa MAT-NMR niingon nga walay hinungdan ang maong deklarasyon ug hugot nga dili makatugot nga malugwayan na usab kini sa laing panahon.

“It is clear as broad daylight that martial law is neither about counter-insurgency nor about war against terrorism.

Rather, it has been the state's gate pass for further plunder of the resources in the land of promise at the expense of its people,” matud ni Abejo.