BIYAHENG nasod sa Vietnam si Mayor Erick Cañosa ug Bise Mayor Peter Unabia karon ug kagahapong adlawa.

Kini ang gibutyag ni Gingoog City Information Officer Nicole Managbanag ug miingon nga tuyo sa duha sa mga opisyal sa laing nasod kini aron makakat-on unsaon pagpalambo kon hisgotan ang dairy production alang sa siyudad.

Si Cañosa nagahin ug pundo nga P100 milyon alang sa pagpalambo sa agrikultura labina gyod sa coffee ug cacao product.

Dugang niini nga bout mapalambo sa bag ong namunoan ang farm tourism nga maoy usa sa lakang aron maila ang siyudad sa Gingoog.

"Ang ilang tuyo didto sa Vietnam mao gyod unsaon pag-upgrade ug pag-strentghten sa Agriculture sector sa Gingoog," matud ni Managbanag.