MIUBOS ang ihap sa mga aktibo nga mga kaso sa coronavirus disease (Covid-19) sa dakbayan sa Cagayan de Oro.

Anaa na sa walo ang aktibo nga mga kaso ug usa ra ang natala nga bag-ong kaso sa dakbayan, usa ka lokal index nga kaso. Kini usa ka vaccinated nga 23-anyos nga babae gikan sa Barangay Patag.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 25,836.

Ang Cagayan de Oro adunay walo ka aktibo nga mga kaso, unom niini na-admit sa Northern Mindanao Medical Center ug uban pang mga ospital sa syudad ug duha ang mga outpatient.

Anaa na karon sa 24,889 ang ihap sa mga nakarekober nga mga kaso sa dakbayan.

Ang ihap sa mga namatay sa Covid-19 sa syudad nagpabilin nga anaa na sa 939.