MIUBOS na ang ihap sa mga aktibo ug bag-ong mga kaso ang Cagayan de Oro.

Anaa na sa 1,063 ang aktibo nga mga kaso ug 42 ang mga natala nga mga bag-ong kaso sa dakbayan.

Sa 42 ka mga bag-ong kaso, 12 niini mga local cases with link, usa ang lokal nga authorized person outside residence (Apor), 26 ang mga local index nga mga kaso, duha ang mga Apors with link, ug usa ang patay.

Miabot sa 9,921 ang kinatibuk-ang ihap sa mga kaso sa Covid-19 sa dakbayan.

Ang Cagayan de Oro adunay 1,063 ka mga active cases, 311 niini na-admit sa Northern Mindanao Medical Center ug uban pang mga ospital sa syudad, ug 752 ang mga outpatients.

Nakatala usab og 114 ka mga coronavirus-positive nga mga kaso nga karon naka-recover. Anaa na karon sa 8,393 ang ihap sa mga nakarekober nga mga kaso sa dakbayan.

Ang ihap sa mga namatay sa Covid-19 sa syudad anaa na sa 465.