MISURENDER bitbit ang iyang armas ang usa ka babaye nga sakop sa teroristang New People’s Army (NPA) sa Barangay Poblacion, lungsod sa Impasugong, Bukidnon, niadtong Lunes, Enero 21.

Miatubang kang Lieutenant Colonel Ronald M. Illana, ang Commanding Officer sa 8th Infantry Battalion, 4ID, sa Philippine Army si alyas Jamaica, 27, presidente sa Barrio Medical Group sa Platoon PBY, Sub-Regional Committee 2 sa North Central Regional Mindanao Command.

Sa iyang pagtahan iyang gilakip pagsurender ang usa ka Carbine cal. 30 rifle nga adunay usa ka magazine ug buhing bala.

“Sulod sa tulo ka tuig ko na serbisyo isip presidente sa Barrio Medical Group, purolang tam-is nga mga pasalig ang akong madunggan kanila. Tungod sa akong nasayran nga tinud-anay ang programa sa atong gobyerno pinaagi sa mga sundalo nga nadistino sa among komunidad. Maong nag desisyon ko nga mu-surender nalang tungod ug alang sa kaugmaon sa akong tulo ka anak,” kini ang iyang mga rason nganong mibalik sa sabakan sa gobyerno ug giawhag iyang mga kauban nga motahan sab.

Gibutyag sab ni Illana nga usa lamang si Jamaica sa gatusan ka mga biktima sa walhong grupo nga nga nayatakan ang katungod tungod sa pagpanghaylo sa Communist Party of the Philippines- NPA terrorist group.

“This time the people know their true intension which forced them to surrender and back to the folds of the law,” matud pa niini.