PADAYON ang pag-ubos sa ihap sa mga bag-ong kaso sa Cagayan de Oro human ang dakbayan nakatala og 37 ka mga kaso.

Sa 37 ka mga bag-ong lokal nga kaso, 21 ang local index nga mga kaso; 10 ang local cases with link; tulo ang lokal nga authorized person outside residence (Apor); usa ang Apor with link; ug duha ang mga patay.

Ang kinatibuk-ang ihap sa mga kumpirmadong kaso sa Covid-19 sa dakbayan anaa na sa 19,452.

Ang Cagayan de Oro nakatal usab og pag-ubos sa ihap sa mga aktibo nga kaso.

Aduna nay 3,159 ka mga aktibo nga kaso karon ang dakbayan, 571 niini na-admit sa Northern Mindanao Medical Center ug uban pang mga ospital sa syudad, 2,571 ang outpatients, ug 18 ang mga ROFs/LSIs.

Nakatala usab og 161 ka mga Covid-positive nga mga kaso nga karon naka-recover. Anaa na karon sa 15,468 ang ihap sa mga nakarekober nga mga kaso sa dakbayan.

Ang ihap sa mga namatay sa Covid-19 sa syudad anaa na sa 825.